सावळी मूर्ती
सावळी मूर्ती
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
344
सावळ्या रंगाचा । माझा तों श्रीहरी ।
वाजवी बासरी । माळावरी ॥ १॥
तेज मुखावर । सुर्याची ग आभा ।
माझ्यासाठी उभा । वाटेवरी ॥ २॥
जाईन ग बाई । मी लगबगीने ।
त्याला अदबीने । भेटायला ॥ ३॥
रोखूनिया डोळे । त्याच्या मूर्तीवर ।
त्याची मी नजर । काढेल ग ॥ ४॥
घेईन भरून । डोळ्यात ते रूप ।
विश्वाचे स्वरूप । ज्याचेपायी ॥ ५॥
जोडूनिया कर । विनवणी देवा ।
आशीर्वाद द्यावा । पामराला ॥ ६॥