साधना
साधना
साई चरणी करू वंदना , श्रद्धा सबुरी ची साधना
विकारी कामना , सोडुनी वासना
खऱ्या भक्ती ची उपासना ।। धृ।।
काय सांगू मनाचा हा खेळ
खऱ्या खोट्याचा नाही रे मेळ
खोटी ती कामना , वेडी ती भावना
वेड्या मनाची मनोकामना
विसरुनी साऱ्या त्या वंचना ,करू साईंची ही प्रार्थना
विकारी कामना , सोडुनी वासना
खऱ्या भक्तीची उपासना ।।१।।
कसली स्वप्नं ही कसली अशा
उद्या साठी हो आजची दशा
मागेन ते मिळेना , मिळाले ते पुरेना
अर्ध पोटी कशी ही दैना
उगवतीचा दिवा पेटेना , अंधाराची सावट पुसेना
विकारी कामना , सोडुनी वासना
खऱ्या भक्तीची उपासना ।।२।।
भीती उद्याची विसरू चला
काळजाची काळजी सईला
धीर द्या ह्या मना , साई अंतर मना
विश्वासाची ही आराधना
चला बाबांची करू प्रार्थना , भाव भक्तीची ही अर्चना
विकारी कामना , सॊडुनी वासना
खऱ्या भक्ती ची उपासना ।।३।।
।।सद्गुरू श्री साईनाथ महाराज की जय ।।