रंगगंधित फुले

गंध कोवळ्या फुलांचा

भरे तनमनामधी

चित्तवृत्ती प्रफुल्लित

मन प्रसन्न रंगांमधी

रम्य पहाटेची वेळ

दवबिंदू शिंपलेले

झाडावरी अलगद

फूल छान डोललेले

तेज सहस्त्ररश्मीचे

खुलवाया मोदभरे

हसतसे मनोमनी

डुलतसे लाजभरे

देई फुलपाखरासी

प्राशनास मकरंद

नच वेळाचेही भान

नादातच होई धुंद

करी बंदी भ्रमरासी

खुळा अडके खुशीने

गुज तयांचे प्रेमाचे

जाग रविकिरणाने

एक दिसाचे आयुष्य

सुकतसे झाडावरी

राही हसतखेळत

जगे नानाविधापरी