राहूनच जात काही...

होत अस कधी कधी

   कितीही प्रयत्न केला तरी

         चुकतच जातं काही

कितीही करा कुणासाठी

       कमीच पडत काही

कितीही बांधून ठेवल तरी

        सुटतच जात काही

बोलायचं खूप असतं पण

       शब्दच मिळत नाही

लिहावंसं वाटत पण

     सुचतच नाही काही

श्रोत्यांनी सजते मैफील पण

         सूरच जुळत नाही

सगळं काही असतं पण

        मनच लागत नाही

अशावेळी सोडून द्यावं

    ओझं मनावरचं फेकून द्यावं

घ्यावा एक दीर्घ श्वास

  स्वतःला शिक्षा देऊ नये

       विनाकारण झुरु नये

मनाला एकच समजवाव

     कितीही जीव पाखडला तरी 

  राहूनच जात काही...

    राहूनच जात काही...