प्रत्यारोप

आरोप प्रत्यारोप आहेत जुळी

एकमेकांवर दिसतो प्रभाव

विश्वासाने जुळवून घ्यावे बंध

दिसू नये प्रेमाचा अभाव

आरोप झालेत की प्रत्यारोप होणारचं

गैरसमजाचा आहे व्यापार

नातेसंबंध सुदृढ करावे

नाही व्हावा कुणाच्याही नावाचा वापर

प्रत्यारोपातुन जन्मतो अविश्वास

वैऱ्यांगत पाण्यात पाहती

तुटती मनाच्या कोवळ्या भिंती

नाती साता समुद्रापार जाती

प्रत्यारोपाने जगणे बेहाल

प्रत्यारोप कुणावर करू नये

आरोपांची चामडी सोलता

सकलजणांची मने तोडू नये

नालंदा वानखेडे, नागपूर