प्रेमाचं गुपितं

प्रेमाचं गुपित 

सांगू नका कुणाला

प्रेम आहे नाही

विचार बिनधास्त तिला 

होकार , नकार काहीही असो

प्रेमाचाच भाग ना ...

त्यात कसला द्वेष नि

कसला धरतोस राग

प्रेम होते नकळत

पण जाणून बुजून ...

प्रेमात व्हावं ओलंचिंब

प्रेमभंगानं जावं विझून ?

प्रेमातही असावी खिलाडूवृत्ती

तू नही तो और सही ...

कशाला हवी हत्या नि

कशाला करायची आत्महत्या ?

प्रेम असतं त्याग, समर्पण

प्रेमाने यावं आत्मभान ...

प्रेमभंगातूनही सावराव

पुन्हा खंबीरपणे उभं रहावं ...

प्रेम द्यावं , प्रेम घ्याव

प्रेम हे प्रेमानं मिळवावं ...

संयम कधी ढळू न द्यावा

प्रेम करावं निस्वार्थ , उदात्त

प्रेमाचं गुपितं ज्याला कळलं

तो जगी सर्व सुखी असे ...

प्रेमाची भाषा , प्रेमाची आशा

विखुरली सभोवताली दिसे ...