पाऊस, तोच
पाऊस, तोच
1 min
13.9K
आसमान काळवंडून आलं
कडकडाट रौद्र ढगांचा
काळजात कसं चर्रर्र झालं
आठवून थैमान मागच्या पावसाचा
वाऱ्याचा घोंघावणारा आवाज
छपरावरची पॉलिथीन केव्हाच गेली उडून
पत्रांचा जीवघेणा थरथराटी आवाज
भुंकून-भुंकून मोत्या गेला थकून
पाऊस अन संतत धारा
मातीचा सुगंध क्षणभंगुर
थंडगार झोंबणारा रोगट वारा
पावसापश्चात उरणार फक्त काहूर
शहराची अतिव गलिच्छ वस्ती
नाले-गटर, खोपटं सारंच जलमय
पुरात वाहून मरण्याची कायम धास्ती
डेंगू मलेरियाला नेहमीचाच अभय
कसला आलाय ऋतू हिरवा
तुडुंब खोपटात आम्हा राहवेना
शेतीलाच तो पाऊस बरवा
शहरात, गरिबाला दुःखीच भावना