पांडुरंग पावला...!

आरक्षणाची का । उबळ ही आली ।

पोट दुःखी झाली।अचानक ।।

रिकाम तेकडे । रस्त्यावरी आले ।

नाही वापरले । सुबुद्धीस ।।

खुळ्यांची करणी। घेऊन शहाणी ।

तो राजकारणी । करवीतो ।।

पडद्यात राही । हा कृष्णवतारी ।

खेळ रस्त्यावरी। खेळवितो ।।

माऊली माऊली । करी वारकरी ।

मुखी सदा हरी । उच्चारून ।।

त्यासी काय ठावे । असे हे होणार ।

तो नाही येणार । पांडुरंग ।।

अंतर मनात । देवेंद्रची देव ।

आता एकमेव । जनतेस ।।

बिंडोक हे करती । उगा तोडफोड ।

अन मारझोड । फुकाफुकी ।।

तुमचाच तोटा । म्हणे जाणकार ।

योग्य सरकार । असताना ।।

शांत रहा सारे । होईल उद्धार ।

धरा थोडा धीर । प्रेमापोटी ।।

तोची भगवन्त । सर्वची देईल ।

चांगले करील । याचजन्मी ।।

मराठा मराठा । हाची एक नारा ।

गाठेल किनारा । आशीर्वादे ।।

भजा हो विठ्ठल । आलात वारीत ।

शक्ती ही नामात । जाणवेल ।।

तो पाहिलं सारे । मार्ग हा काढून ।

दिले निवडून । त्याचसाठी ।।

पहाल विठ्ठल । खरा पांडुरंग ।

दावी नाना रंग । तुम्हास ही ।।

पावेल श्रीहरी । कराल ही वारी ।

म्हणून श्री हरी । जीवाभावें ।।

कार्तिकी एकादशीच्या सर्वांना शुभेच्छा...!