ओढ पावसाची
ओढ पावसाची
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
42
ओढ अशी पावसाची
जशी सुरेल तान कोकीळेची
गाईन गीत ती प्रेमाने
येईल पाऊस आनंदाने
ओढ अशी पावसाची
जशी कळीला घाई उमलण्याची
कळी उमलून येईल
पाऊस पाणी घेऊन येईल
ओढ अशी पावसाची
जशी हिरवी पाने वृक्षाची
वृक्ष बहरुन येईल भरभर
पाऊसधारा पडतील सरसर
ओढ अशी पावसाची
जशी अबोल प्रीत शब्दाची
शब्द खेळती तालाने
पाऊस बरसेल नेमाने
अशी ओढ पाऊसाची
जशी अतृप्त चातक
वाट पाही मेघांची
मेघ बरसती आनंदाने
चातक तृप्त होई प्रेमाने
ओढ अशी पावसाची
जणू नाजुक नक्षी अंबराची
अंबर सजून येईल
पाऊस घेऊन येईल