STORYMIRROR

पद्मवैखरी palthakare

Others

4.2  

पद्मवैखरी palthakare

Others

ओढ पावसाची...

ओढ पावसाची...

1 min
62


ओढ पावसाची मनी

ओलावला हा वारा

वाटे नभ उतरूनी

देई अंगी तो शहारा


दाटून हे ढग आले

दारावरी तो किनारा

कसे मावतील हे सारे

कसा मांडू हा पसारा?


बोचरा हाच गारवा

तोही शोधितो आसरा

मग नकळत सर्व सारे

फुलवी मोहुनी पिसारा


प्रश्न सुटले कधीचे

जसे तोडून पहारा

बहरली ही वनराई

कसा गंधित नजारा


अशी पावसाची ओढ

चहू दिशी तो भरारा

येता मनाला पालवी

देई रंग तो गहिरा


Rate this content
Log in