||नव्या नवरीच मन ||

नव्या नवरीच मन कसं, वाऱ्यावरती फिरत|

जस ओल्या चिंब पावसा, मन भिजत||

 

जमल लगीन मुलीच मन हे, कावर बावर|

जस शेळ्या मेंढ्यांच, कोकरू रानात वावर||

 

काय विचार मुलीच्या, मनात मळभ दाटलं|

जणू नभात घन हे, आकाश अंगणी वाटलं||

 

नवरा उधळीत येईल कसा, मातीचा गुलाल|

जस भिजल्या केसात अंगी रोमांच फुललं||

 

माय-बापाची माया सरुनी, माहेर भुलल|

जणू नवरीच्या मनात, सासर आता फुलल||

 

माय-बापाच्या डोळा पाणी, मनात काहूर|

जाता नांदाया मुलगी, फुटे हो मायेचा पाझर||

 

झाल लगीन मुलीचा, हृदय आली भरून|

जस आभाळ आलय, पाऊस अंगणी घेवून||