नमन या पामराचे

मधाहून गोड दिली तुम्ही मुखी आज भाषा

तुम्हाच्या कृपेने जाहली धन्य वाचा

तुम्हालागी आज गीत गातो सुरांचे

करा लागू चरणी नमन या पामराचे

तुम्ही वर्णिली महती खरेपणाची

नुरे काही अंती ही शिकवण तुम्हाची

दिवे लावले हृदयी तुम्ही मातृभूचे

करा लागू चरणी नमन या पामराचे

तुम्हालागी उमगली मज ज्ञानवृंदा

अवीट भासते मज ती जणू कस्तुरीगंधा

तुम्ही प्रवाहिले मनी झरे आदराचे

करा लागू चरणी नमन या पामराचे