नारी शक्ती

प्रेमाची अन् त्यागाची

सुंदर दिव्य तू मूर्ती

स्वकतृत्वाने उजळल्या दिशा

पसरली जगी किर्ती

यमालाही हरवलेस

अशी तू पतिव्रता

काळही थरकापे

पावित्र्य तुझे पाहता

देव दैत्य झाले नत

अशी तू आदिशक्ती

तिन्ही लोकांचा राजाही

करितो तुझी भक्ती

सामर्थ्यवान आहेस तू

ओलांडले समुद्र सात

धैर्यवान तुझ्यासम

 दुजा नाही जगात

षंढयुगात सारे या

समजत होते तूज अबला

नारी शक्ती दाखवून जगाला

जाहलीस तू सबला