नारी रूपे

नारी जन्मा, तुझी कथाबीज धारिणी, जननी,

अन्नपूर्णा, रणचंडी,भार्या, माता, तू भगिनी,

लक्ष्मीबाई, तू जिजाऊ,हिरकणी, पन्ना दाई,

किती तुझ्या गाथा, व्यथा, कशी करू उतराई!

कर पादाक्रांत मेरू, तुला न कुणाचे भय, 

तुझा सारा आसमंत,जग हे तुझे आलय!

कुणी विभत्स खुडले,गुल नाजुक म्हणूनी,

वरदान काट्याचे ही,डंख कर तू रोषूनी!

नारी शक्तीस गौरवू,तुझी आभाळाची माया,

यश तुझ्या हाती आहे,तुजवर दैवी छाया!