नाही मन निर्मळ ! काय करेल साबण

नाही हो मन निर्मळ 

काय करेल साबण !

स्वच्छ देहाची काळजी

मन दुषित ते जण !

देह विकाराचा रोग

मनी अंधश्रद्धा जागे

भूत प्रेत बाधा जसी

भोळ्या मनी का जागे ?

मन द्वेषाचे अंतरी

विष कालवे जीवनी

नको रे संदेह पेरुनी

आहे जो-तो माझा सनी

संत शिकवण मनी

ध्येय ध्यावे जीवनी

दु:ख रंजल्या जणांचे

जाणो ते सर्वा नयनी

देव माणसापरी हो

येथे पाहवा विठ्ठल

मुखी नाम ,कर्म हाती

तोच सुखी हो सकल