मस्ती मैत्रीची
मस्ती मैत्रीची
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
सागराच्या किनाऱ्यावर मस्तीच्या झोतात
हवेचा उबदार गारवा मित्रच देतात||
मित्र मनाशी मनाचे नाते जोडतात
आणि कधीही कुठेही साथ देतात||
काहीच नातं नसताना जे आपले वाटतात
अजून कोणी नाही तर ते मित्रच असतात||
अलगद स्पर्श मनाच्या मैत्रीतून जाणवतो
अतुट सोबत आयुष्याची मैत्रीच खुणावते||
मैत्री सर्वांना हसवणारी असावी
एकमेकांना चिडवणारी असावी||
प्रत्येक क्षणाचा आनंद मैत्रीतूनच मिळतो
आयुष्यभर सुखदु:खात तुझेच साथ मिळते||
सागराचे पाणी कधी आटणारे नसते
मनातली आठवण कधी विसरणारी नसते||
कितीही जवळ किंवा दूर राहूनही
तुझी माझी मैत्री कधी तुटणारी नसते||