मंगळवार...!

मंगळ कुंडलीत येता

गळपटी उपवरांची धरतो

लज्जा रक्षणार्थ मग

वाट काढण्यास सांगतो

रक्षण कर्ता कुंडली बहाद्दर

मग प्रेम विरास वेठीस धरतो

मंगळाचा अमंगल फेरा

जीवनी फेर धरतो

अंधश्रध्येची साडेसाती

शनी पाठ धरुनी बेजार करतो

वाट लावूनी जीवनाची

मग श्वास घेतो

विज्ञान युगातही हा मंगळ

अमंगल करू पाहतो

ज्या मंगळावरी

आता आपण पाय ठेऊ पाहतो

जागे व्हा मुलांनो

मंगळवारीच मंगल सांगतो

भित्या पोटीच बाबा

ब्रम्हराक्षस जन्म घेतो....!