मला जगायचयं
मला जगायचयं
1 min
239
मला जगायचयं
माझ्या गोड मुलांसाठी
त्यांच हसरं बालपण
डोळे भरून पाहण्यासाठी
मला जगायचयं
माझ्या मुलांच्या आधारासाठी
भल्या मोठ्या या जगात
त्यांनी परकं न होण्यासाठी
मला जगायचयं
माझ्या मुलांचे लाड करण्यासाठी
कोडकौतुक करून त्यांचे
हळूवार 'पापे' घेण्यासाठी
मला जगायचयं
माझ्या नव-यासाठी
त्याची सुंदर सोबत
आजन्म मिळवण्यासाठी
मला जगायचयं
माझं सुखी कुटुंब पाहण्यासाठी
नव-याला यायला उशीर झाल्यावर
आतुरतेने वाट पाहण्यासाठी
एक संधी मला दे देवा
प्रार्थना करते जगण्यासाठी
बळ मला मिळु दे आता
कोरोनाशी लढण्यासाठी