मकरसंक्रांत

नववर्षाच्या आरंभास

सण येई मकरसंक्रांत

तिळगुळ वाटा साऱ्यांस

नका ठेवू कसलीच भ्रांत

गुळाचा गोडवा नित्य

ठेवा तुमच्या ओठी

तिळासारखा स्नेह ठेवून

नित्य जोडा माणसे मोठी

तीळ आणि गूळ मिळून

गट्टी जशी जमते

तशीच नात्यांची वीणही

घट्ट ठेवा असे सांगते

हेवेदावे रागरुसवे सारे

दूर करा एकमेकातून

आनंदाचे वारे वाहू दे

पतंगापरी गगनातून

सण आहे हा आनंदाचा

उत्साहाचा अन ऊर्जेचा

प्रेम स्नेह वाढू दे

आनंद लुटा या सणाचा

द्या त्या आनंदाचा तीळ

वाटा साऱ्यांना जपून

मग वाहती वारे आनंदाचे

मत्सर जाईल संपून