मीच माझा रक्षक

स्वयंस्फूर्तीने शासन नियम

साऱ्या विश्वाने पाळावे

मीच माझा रक्षक म्हणूनी

अंत: करणातून बोलावे ।।

कितीही आली संकटे

धैर्याने करीन मी सामना

थोडी स्वयंशिस्त लावा

ठणकावून सांगेन या जना ।।

परिवार समाजहित जाणूनी

स्विकारली मी संचारबंदी

कोरोनाविरूद्ध लढण्याची

हिच आहे खरी नांदी..

तन निरामय,स्वच्छ ठेवूनी

समाज सुरक्षित अंतर ठेवू

मीच आहे माझा रक्षक

मनामनात दीप चेतवू ।।