मी झालो फिदा

तू लावण्यवती, सुंदर तुझी अदा 

तुला पाहून प्रिया मी झालो फिदा ||

मी चंद्र तुझा, तू माझी चांदणी 

मी सखा तुझा, नि तू माझी यामिनी ||

तुला पाहिले ना कधी मी इतके 

पाहिलेस तू मला एका नजरेनं जितके ||

एक एक श्वास जगते आता मी तुझे 

तुझ्यातच शोधते गोड अस्तित्व माझे ||

आपल्या प्रेमळ जगात आपण असे राहू 

आपले अंतर मिटवूनी एक दुसऱ्याचे होऊ ||

तुझ्या गालावर प्रतिबिंब माझ्या ओठांचे 

तू सावली माझी, मग तुझे आयुष्य कोणाचे || 

आठवणीचे आले अश्रू, येऊन तू सावरशील का 

तुझीच आहे बोलून माझ्या मिठीत येशील का ||