माणुसकी

माणसातली हरवली माणुसकी

आटली सारी आपुलकी

प्रत्येकजण बघतो स्वतःचे

पडले नाही दुसऱ्यांचे

संपला तो जिव्हाळा

लुप्त झाला लळा

कोणीच कोणाला विचारेना

चित्र हे बघवेना

घेतला जातो गैरफायदा

मोडला जातो कायदा

आखले गेले कुंपण

कुठे गेली गुंफण

मने झाली संकुचित

परिस्थिती गंभीर चकीत

वाढत गेला दुरावा

कळत नाही कावा

नसेल कोणताच गेम

कधी वाढेल प्रेम

मिळेल साऱ्यांना आदर

होईल प्रत्येकाची कदर