माझी शाळा

चला चला रे शाळेला या

सवंगड्यांनो या रे या

नाचु संगे खेळूया

आनंदाने शिकूया ||१||

येथेच आहेत ज्ञानाचे

कल्पतरू फुलवायचे

गुरूजींचा पाठ स्मरता

दूर होई अज्ञानता ||२||

एक होऊनी राहुया

उंच भरारी घेऊया

दिशा गुरुजी दाखविती

शिकवी जगण्याची नीती ||३||

अक्षरे जोडाक्षर वाचुया

अंकाची गंमत पाहुया

बलिदान थोरांचे आठवुया

सलाम त्यांना देऊया ||४||

आई बाबांच्या मायेचे

स्वप्ने आहेत जीवनाचे

शिकून मोठे होऊया

जनांची सेवा करूया ||५||