माझी मीच

संसाराच्या रहाटगड्यात

गुंतून घेतले स्वतःला

मग कुठे कमी पडेन

ही भीती मज कशाला

संसाराचा रथ चालवताना

कधी गुंतली मी त्यात

आणि घेतला कधी मी

कासरा या हातात

आहे समर्थ माझी मी

साऱ्या कष्टाच्या कामाला

नाही घाबरत येऊ देत

कितीही संकटे वाट्याला

सर्जा राजाच्या संगतीने

माझी मी जगीन खुशाल

मोत्या माझा ग गुणी

साऱ्यांची मायेची पखाल

दाखवू जगाला हिम्मत

सारे काही करण्याची

नका करू आमची चेष्टा

वेळ आलीय जागण्याची