STORYMIRROR

Ajay Birari

Others

2  

Ajay Birari

Others

माझे बाबा

माझे बाबा

1 min
7.0K


 

माझे बाबा होते तेव्हा महत्व त्यांचे कळले नाही

कौतुक त्यांचे करण्याला मन माझे वळले नाही.|१|

कामी येती आज त्यांचे आद्यात्मिक ते संस्कार.

त्या संस्कारांमुळेच आज मी करतो यशस्वी संसार.|२|

कठोर वागणे बालपणी मज उगाच वाटे त्यांचे भय.

चुकलो असता कधी जरी मी करीत नव्हते माझी गय.|३|

काळजी होती मनात त्यांच्या बाहेर कधी दिसत नसे.

आजारी पडलो असता त्यांना झोप रात्रीची येत नसे.|४|

बाहेरुन ते कडक होते पण आतून होते प्रेमळ खूप

साधी राहणी होती त्यांची रुबाबदार होते त्यांचे रुप.|५|

आज जगी ते नसतांना आठवण त्यांची करी उदास

जगात वावरतांना त्यांचा क्षणोक्षणी मज होतो भास.|६|

 

 


Rate this content
Log in