गणेशवंदना

संत सज्जनास तू सत्वरीच पावतो 

वक्रतुंड ईश तू सद्गुणांस भाळतो

त्याच भाविकावरी होतसे तुझी कृपा

भक्तिभाव अंतरी जो मनात राखतो

काम क्रोध लोभही गर्व मत्सरास तू

षड्रिपूस माझिया नित्य दूर ठेवतो

संकटे निवारुनी श्री गणेश या जगी

दुःख दूर सारुनी जीवनात तारतो

दुर्गुणास जो कुणी, दूरदूर लोटतो

तोच आज या जगी सर्व सौख्य भोगतो

मायबाप ठेवतो आपुल्या घरी सदा

पीडितास जाणतो स्वर्ग त्यास लाभतो

स्वार्थ दूर सारुनी हर्ष वाटती जगा

तारण्या अशा जनांस एकदंत धावतो

हे गजानना अता तार संकटातुनी

रोख कोविडास तू कर तुलाच जोडतो.

लाल पुष्पहार तो तव गळ्यात शोभतो

अर्पिता गझल तुला हा अजय सुखावतो.