माझे बाबा
माझे बाबा
1 min
199
माझे बाबा होते तेव्हा महत्त्व त्यांचे कळले नाही.
कौतुक त्यांचे करण्याला मन माझे कधी वळले नाही ।।
कामी येती आजही त्यांचे आध्यात्मिक ते संस्कार।
त्या संस्कारांमुळेच आज मी करतो यशस्वी संसार।।
कठोर वागणे बालपणी मज उगाच वाटे त्यांचे भय।
चुकलो जर का कधी कुठे मी करीत नव्हते माझी गय।।
काळजी होती मनात त्यांच्या बाहेर कधी ती दिसत नसे
आजारी मी असता त्यांना झोप रात्रीची येत नसे।।
बाहेरून ते होते कडक पण आतून होते प्रेमळ खूप।
साधी राहणी होती तरीही रुबाबदार होते त्यांचे रूप।।
आज जगी या ते नसताना आठवण करते मला उदास।
जगात वावरतांना त्यांचा क्षणोक्षणी मज होतो भास।।