लावणी

जाऊन बुलडाण्याच्या बाजारी

आणा शालु एक हिरवा

राया माझ्याशी एकदा बोला

इकडे मान तुमची जरा फिरवा||धृ||

डोक्यावर ऊन सारं तापलं

अंग घामानं सारं भिजलं

जीव माझा घाबरून गेला

येऊन तुम्ही इकडे पंखा चालवा||

इकडे मान तुमची जरा फिरवा||

अहो राया, इकडे मान तुमची फिरवा||1||

असा का फुगला तुमचा चेहरा

उगाच का दावता हा नखरा

उघडून ती खिडकी काळजाची

येऊ द्या तुमच्या प्रेमाचा गारवा ||

इकडे मान तुमची जरा फिरवा

सख्या, इकडे मान तुमची जरा फिरवा||2||

जाऊ दोघं गाडी बैलानं

खरेदी करू सारं दुकान

हौस आता माझ्या जीवाची

एकदाच आज तुम्ही पुरवा||

इकडे मान तुमची जरा फिरवा

राया इकडे मान तुमची जरा फिरवा||3||