करुया कोरोनावर मात

एक विषाणू असा पसरला

नाव त्याचे कोरोना

चित्र बदलले सा-या सृष्टिचे

क्षणात कसे बघाना

धावत होती वायूवेगाने

शहरे गजबजलेली

पंख तयांचे छाटले जणू

सारी हतबल झाली

रस्ता सारा सुना जाहला

दहशत राक्षसाने माजवली

गरीब श्रीमंत सारी माणसे

घरात आज कोंडली

जो तो पाही संशयाने

एकमेकांकडे असा

माणूस नव्हे पुढे उभा जणू

काळ ठाकला आपुला जसा

वाट विसरली होती गावाची

आज रस्ता तो धरला

सुरूकुतलेला चेहरा आज

खूप दिवसानं हसला

पैशांसाठी धावणाऱ्यांना

किंमत जिवाची कळली

सारी माणसे एका छताखाली

खूप दिवसानं जमली

जाईल संकट हेही टळुनी

घरात बसूनी करुया मात

आज पाऊले घरात थांबवा

तरच घ्याल श्वास जगात