कोरोनाने दिला धडा

शत्रू आहे कोरोना

पण धडा दिलाय चांगला

कुटुंबापासून दूर जाणारा

आज घरातच थांबला

नाती जवळ आली

वर्षांपासून दुरावलेली

शहरातल्या माणसांनाही

गावाची आज किंमत कळली

खेळ पूर्वीचे सारे

घरात आज रंगले

लहान मोठे सारेजण

गप्पांमध्ये दंगले

रोज धूर सोडणा-या

गाड्या आज थांबल्या

प्रदूषण सारे रोखून

वाटा मोकळया झाल्या

जातीभेद विसरुन

देश एकत्र आला

सर्वांच्या कल्याणासाठी

घरोघरी घंटानाद झाला

पैसा, अडका, जमीन, जुमला

कवडीमोल सारे आहे

शरीरातील श्वासच फक्त

आज अनमोल आहे