खरंच सलाम !..
खरंच सलाम !..
सलाम !
तुमच्या सहनशीलतेला
मुजोर बदनाम वर्दीला
डागाळलेल्या खादीला
सलाम !
पांढरपेशा वृत्तीला
वासनांध श्वापदांना
मरणास टपलेल्या गिधाडांना
सलाम !
भीषण नाट्य घडविणाऱ्याना
केवळ बघ्याची भूमिका घेणा-याना
किडया मुंग्यांप्रमाणे जगणा-याना ...
सलाम !
तुमच्या संधीसाधू बेरकीपणा
लोकशाही भासवनाऱ्या ठोकशाहीला
तुमच्या संधीसाधू बेरकी निर्लज्जपणाला
सलाम !
योजनांचे तीनतेरा वाजविणाऱ्याना
लाल फितीत सरकारी धोरण कुजविणाऱ्याना
विकासाच्या नौटंकीला , त्यांच्या पापात सहभागी प्रत्येकाला
सलाम !
गप्प गुमान दुःख भोगणाऱ्या मानसिकतेला , अगतिकतेला
संकटातही न ढळणाऱ्या अजोड आत्मविश्वासाला
खरंच सलाम तुमच्या भोगण्याला आणि जगण्याला ...