खेळ
खेळ
1 min
32
कपाळावरच्या रेखांमध्ये लपलास तरी
वहीच्या पानांमध्ये सापडलासच
भावनांच्या लागोपाठीची गंमत अशी की
विचारांनीही नेमकं तुलाच पकडलं
वर्तमान-भविष्याच्या आंधळ्या कोशिंबिरीत
भविष्याचा वेध घेता घेता,
तू भूतकाळातच लोप पावलास हे मात्र
वर्तमानात डोळ्यांवरची पट्टी काढल्यावरच कळलं
शेवटी काय तर
स्वप्नांचा लागोपाठ, प्रेमाचा लपंडाव आणि
नात्यांची आंधळी कोशिंबीर
हाच आयुष्याचा खेळ
हे मात्र नकळतरीत्या शिकवून गेलास