काव्य
काव्य
तू यावे, बरसावे, आणिक,
ओठी नव काव्य स्फुरावे !
तू गावे, छेडीत मेघ मल्हार
अन, सरीत त्या सूरांच्या...
मन भिजुनी चिंब नहावे !
धरतीचा कणकण बहरून
येता फुलून हिरवा...
सप्तरंग ते नभात मग,
गगनाने साऱ्या उधळावे !
केतकीच्या बनी बहरला सुगंध,
मोगरा, चाफा, रातराणी अन....
दारात तो निशिगंध,
करतो जेंव्हा मला धुंद !
संधिकाली मी रोज मग
स्मरते रे त्या कातरवेळा,
तुज सवे माझ्या सोबतीला
फुललेला होता नाजूक कुंद !
बहरला दारी निसर्ग असा भव्य,
तुज आगमनाची चाहूल देण्या....
पाठविले सांग मज कुणी आज हे,
शब्द सुमनांत सजवून काव्य ! ??