झाडीचा महिमा

काय सांगू तूमाले झाडीचा महिमा, 

यात आहे दर्जेदार नाटकाची गरिमा |

ऐकले असाल तुमी हॉलीवूड बाॅलीवूड, 

आमच्या येथं आहे छान झाॅलीवूड ||

झाडीचे लोकं मनाचे फार मोठे, 

काहीबी करतात असेल काम छोटे |

शेती करावाले मोठा मन लागते, 

वावर खोदावाले कुदर फावडा लागते ||

झाडीच्या भागात जंगल मोठा आहे, 

बाहेरच्यायले लागते नक्षल्यायची चंबल आहे |

म्हणून त सयरातले लोक येत नाही, 

आमचा गावाकडचा विकास काही होत नाही ||

माय म्हणे पोराले मोहा वेचू आपण, 

टोरीचा तेल काढून गाडा माखवू आपण |

वावरात जाऊन चारा कापून आण, 

गाईले चारा टाकून दुध काढून आण ||

सयरात गेले कमावले झाडीचे पोरं, 

जमिन सोडली अन सोडले सारे गुरं |

तुमची जमीन आमाले दलदल लागते, 

घरी येऊन पोरगा बापाले कलकल सांगते ||