जागृत व्हायला हवं

पालकांनो तुम्ही आता

जागृत व्हायला हवं

आजच्या नव्या युगात

खंबीर उभं राहावं

बाहेरच्या घडामोडी

लक्षात घ्यायला हवी

मुलांच्या शिक्षणासाठी

ज्ञानज्योत पेटवावी

नका देऊ दडपण

नुसतेच अभ्यासाचे

खेळ खेळता खेळता

गुण येई नेतृत्वाचे

होईल हा खर्च थोडा

वर्तमानपत्र आणा

आवश्यक ते ज्ञान घ्या

तुम्ही मजबूत बना

मुलांच्या शिक्षणासाठी

पोटाला चिमटा देता

जडणघडणीसाठी

मग मागे का राहता