हक्काचे घर

दगडाचे असो किंवा

असो सिमेंट काँक्रीटचे

पण ते असावे

फक्त स्वतःच्या मालकीचे

छोटेसे का होईना

असावे हक्काचे घर

जिथे नांदावा जिव्हाळा

दिला जावा आदर

शांतता अन् आपलेपणाचा

जपला जातो ठेवा

नाही केला जात

कुठल्याच प्रकारचा दावा

दिवसरात्र झटतो माणूस

ध्येयासाठी होई मग्न

उराशी बाळगलेले असते

त्याने घराचे स्वप्न

पूर्ण आयुष्य जाते

कर्जाचे हप्ते फेडण्यात

समाधान मात्र वसते 

इथे प्रत्येकाच्या मनात