गुरु...
गुरु...
गुरुर्ब्रह्मा गुरुर्विष्णु म्हणुनी करते सुरुवात
ज्ञानाच्या तेजोमय दिव्याची अखंड मग होते वात..||ध्रु||
गुरूंचा आदर्श हा सहवासात लाभतो
अज्ञानाच्या अंधारातूनी ज्ञानाकडे घेऊन जातो..||१||
अलंकाराहूनी तेज गुरुचे प्रज्वलित करूनी जाते
आज्ञेच्या त्या प्रसादाने मन तल्लीन मग होते..||२||
संस्काराची जडणघडण आयुष्यभर तो करतो
आदर्श म्हणूनी तो सतत तेवत राहतो..||३||
खंडन पडू देत नाही शिष्याच्या सुखाला
सोबत करितो त्याची जीवनातल्या दुःखाला..||४||
वंदन करुनी त्याला मीही मग नमतो
प्रेमाची पांघरण अशी पदोपदी तो ठेवतो..||५||