मासिक पाळी

मासिक पाळी म्हणजे एक शब्द

मुलीचा मुलीला कळलेला

अचानक येऊन पाहुणा 

जणू तिलाच असतो का वळलेला?

मासिक पाळी म्हणजे एक प्रवाह

मुलीच्या जीवन घडीचा

फार मोठा नसून सुद्धा

जणू तिच्याच साठी असतो धडपडीचा

 मासिक पाळी म्हणजे एक त्रास

तिला सोसावा लागणारा

पुन्हा पुन्हा येऊन देखील

तिलाच प्रश्न करणारा

मासिक पाळी म्हणजे एक चाहूल

मुलीच्या जीवनात भिनभिनणारी

नकळत येऊन कधी

तिलाच गाऱ्हाणे सांगणारी

मासिक पाळी म्हणजे एक लहर

तिला कधी नको असणारी

जीवनात येऊन सुद्धा

स्वतःचेच महत्व देणारी