आसमंत दाटलेला

आज खुळ्या मनाचा पक्षीही आहे हरपलेला

काजव्याचा धुंदवारा असाच आहे साठलेला

कोवळीच्या पाखराला नभही आहे भेटलेला

अंगणातला मृदुगंध जणू असाच आहे गाठलेला

ऋतूंचा या गर्दीतही एकाकी मग आहे पेललेला

सप्तसुरांच्या मेघात ही गंध सुरांचे आहे सोबतीला

रेशीमधाग्यांनी बांधलेला कौल आहे कवेतला

सागराच्या शिंपल्यातला मोती आहे विणलेला

शुभ्रातल्या चांदण्यांनी घन निळा आहे पांघरलेला

उत्तुंग गगनी जणू हा आहे आसमंत दाटलेला