'घुसखोरी '

इंचाइंचाने लढवित होते

ग बाई मी गर्दीशी झोंबत होते

ग बाई मी गाडीशी झोंबत होते : धृ.:

चहुबाजूने भिडती अंगा

शिस्तीच्या नसती हो रांगा

एकमेकांना ढकलित होते हो ढकलीत होते : 1:

कुणी मागूनी केला हल्ला

भुईसपाट कुणी हो झाला

तरी चढाई ढिली ना होते हो ढिली ना होते : 2 :

कशा घामाच्या फुटल्या धारा

कुठुनसा येई ना वारा

रेटारेटीत घुसमट होते हो घुसमट होते : 3 :

गुदमरूनी ओढिला श्वास

कसा मानेला बसला फास

कासाविसी जीवाची होते ,जीवाची होते : 4 :

इतुक्यात वाजला हाॅर्न

गर्दीचा वाढला फाॅर्म

घुसखोरी निकाली होते,निकाली होते : 5 :