एकटा. (९/७/१९७७)
एकटा. (९/७/१९७७)
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
एकटा मी एकटा.
भोगतो आनंद मी.
तोंड देतो संकटा. ..१ . .
पाश ना मज रेशमी
आरसा माझाच मी.
मीच माझा नेणता. २.
माझा न कोणी सोबती.
माझ्या न कोणी संगती.
हीच माझी रे व्यथा..३.
ना सूर्य केव्हा चंद्र मी.
तारा नसे,ना काजवा मी.
मीच माझा सर्वथा.. ४.
घेतले तुमच्या तूनी.
मी मला उणे करूनी.
बेरजेची ना शक्यता..५.
पाहतो तुम्हा मी माझ्यात.
पण दुज्यास का स्वत:त.
सांगा कधी का पाहता..६.