एकतरी बहिण दे

रडलो मी जेव्हा तेव्हा आसवे माझे पुसण्यासाठी

कितीही बेकार जोक असला तरीपण हसण्यासाठी

चुकलो जिथे तिथे हक्काने मग रागावण्यासाठी

महाभारतातल्या अर्जुनासारखं मला वागवण्यासाठी

रक्षाबंधनाला स्वतः लाडु करुन मला भरविण्यासाठी

वाईट मार्गाला लागलो तर जीवनाची अद्दल घडवण्यासाठी

नेहमी बोट धरुन सोबत माझ्यातला मी दाखवण्यासाठी

आणि कळत नकळत मला खूप काही शिकवण्यासाठी

विषयांच्या आसक्तीमधून मला मुक्त करण्यासाठी

जिंकता जिंकता युद्धात सारे काही हरण्यासाठी

असावी कधी हसवण्यासाठी तर कधी रडवण्याची 

कधी मोहमायेत फसवण्यासाठी कधी चिडवण्यासाठी 

माहित आहे ती सोबत असली तर मरण मला येणार नाही 

नेहमी म्हणायची न मी तुला एकटं कधी सोडून जाणार नाही 

हे भगवंता, हे परमेश्वरा, मला अशी एकतरी बहिण दे

आणि नसेल मोठी तुझ्याकडे तर मग एखादी लहान दे