दुष्काळाचं घाट

कसा घातला दुष्काळानं घाट

झालं रिकामं धरणीचं पोट

स्रोत आटले पाण्याचे सगळे

कसा जाईल पाण्याचा घोट

निर्सगाच्या ग्रहनाला

आपणचं कारणीभूत

उपसा केला निसर्गाचा

भोगावे कर्माचे भभूत

दुष्काळाचे चटके

अख्खा प्राणिमात्र सोसतो

थेंबा थेंबा सोबत पाण्याचा

आपल्या रक्ताला आटवतो

जमिनीच्या भेगा घनदाट

काळजापर्यंत पोहोचल्या

अश्रू झाले कोरडवाहू

धारा घामाच्या वाहल्या

मुका झाला पशुपक्ष्यांच्या गोंगाट

भकास झालं शिवार ओसाड मोकाट

फोडती हंबरडा गाईम्हशी रानात

दुष्काळाने घेतला उभ्या जीवांचा घोट

एक माणूस एक झाडं असावं ब्रीदवाक्य

सुई हीच फाटकं आभाळ शिवण्याची

फोडतील मग ढग आभाळाला पान्हा

जपू हिरवळ वाढवू पातळी पाण्याची