दाम करी काम
दाम करी काम
1 min
554
दाम करी काम
लबाड करी आराम
भ्रष्टाचाराच्या पुराला
कोण लावी लगाम
पुरवितो जो पैसा
त्याचेच इथे काम होते
रांगेत उभा राहणारा
जीवानिशी जाते
पायऱ्या चढून कार्यालयाच्या
वहाण झिजून जाते
मरण येते पुढ्यात तरी
काम तशेच राहते
पैशाचीच नाती इथे
पैसाच बोलतो खणखण
पैशाचाच इथे बोलबाला
गरीबाची होते चणचण
दाम दिल्याशिवाय
काम होत नाही
दाम नसेल जवळ तर
दर्शन ही होत नाही
पैसाचं नसतो सर्वकाही
कर्तव्य जाणून काम करा
कामाचे मिळते हो वेतन
गोरगरीबांचा विचार करा