चुकलेले गणित...!

चुकलेले गणित जीवनाचे

योग्य वाटेवर आणताना

मनास खूप यातना होतात

तोवर इतर वाटा

मार्ग मिळेल त्या

दिशेची सहज वाट धरतात

मागे वळून पाहण्याची

इच्छा ही तशीच

कोठेतरी विरून जाते

मग मात्र जीवनात

काही तरी

चुकल्याची जाणीव होते

भले भले महारथी

येथेच कच खाऊन

हार खातात

म्हणून तर

जीवनात आपल्या

नको ते प्रसंग सामोरे येतात

शेतात खत

बाजारात पत

घरात एक मत हे पटते

जेंव्हा जीवनात

चुकलेले गणित

दैव कृपेने पुन्हा सुटते....!!