चॉकलेट डे लावणी!!!

अहो राजसा ऐका जरा

मला नको आम्लेट जिम्लेट

द्या हो एक चॉकलेट चॉकलेट चॉकलेट।।धृ।।

कालचा गुलाब बाई सुकून गेला

काट्यांन बाई काटा काढला

त्या काट्याच्या सल लै लागला।।१।।

अंगा अंगाचा अंगार झाला

जीव केला तुम्ही चोळा मोळा

पायी उठला ग बाई माझ्या गोळा।।२।।

गोडा धोडाची आवड माझी

आज तुम्ही मायेनं पुरवा

नका करु तुम्ही परवा तेरवा।।३।।

या चॉकलेटची गोडी न्यारी

तोंडाशी माझ्या लागते प्यारी

नको राजसा मज सारी फारी।।४।।

अहो राजसा ऐका जरा

मला नको आम्लेट जिम्लेट

द्या हो एक चॉकलेट चॉकलेट चॉकलेट।।धृ।।