छोटा अभंग आई

वात्सल्य सिंधू ती आई ।

एक मात्र माझी माई ।। १ ।।

गुण गावे तिचे किती ।

श्रेष्ठ तिची परिमिती ।। २ ।।

लेणे देती संस्कारांचे

नाते जोडी जिव्हाळ्याचे ।। ३ ।।

कुटुंबाच्या सुखासाठी

असते ती बाबापाठी ।। ४ ।।

माया ममता शिकवी

परोपकार दाखवी। ।। ५ ।।

श्रध्दा भक्ती देवावर ।

भूतदया प्राण्यावर ।। ६।।

सत्याची ती कास धरी ।

खोट्यास ती शिक्षा करी ।। ७ ।।

गोड बोलुनी जिंकावे ।

प्रेमाने जगा पहावे ।। ८ ।।

आईची ही शिकवण ।

केली मनी साठवण ।। ९ ।।

खूप तिची करुणाई ।

थोर माझी ती पुण्याई ।। १० ।।