चैत्यभूमी ( अभंग रचना )
चैत्यभूमी ( अभंग रचना )
1 min
7.1K
अस्पृश्य म्हणून | विटाळ होतसे ॥
शिक्षण घेतसे | भीमराव ॥१॥
जातीचे चटके | मनास लागले॥
अनवाणी चाले | गाडीमागे ॥२॥
पहिला मॅट्रीक I झाला समाजात ॥
हर्ष गगनात I रामजीचा ॥३॥
वेड वाचनाचे । झपाटून जात॥
त्या राजगृहात | ग्रंथालय ॥४॥
घटना लिहिली | भारत देशाची॥
जगात मानाची | एकहाती ॥५॥
बुध्दाच्या धम्माला I केले संजिवित॥
झाला हा भारत I बौध्द राष्ट्र॥६॥
सहा डिसेंबर I देश गोळा झाला ॥
अश्रू सागराला I चैत्यभूमी ॥७॥