बोलला की तो!

ऐकून अभंग । झालोय बेधुंद ।

कानात मृदंग । सदा वाजे ।।

नाचती तालात। टाळ टाळकरी।

सारे वारकरी ।मनो भावे ।।

अभंग अनेक। गुंजती कानात ।

सारेच मनात ।साठ लेकी ।।

आता विठुराया । तोंड उघडतो।

आम्हांसी झाडतो। क्षणाधार्थ ।।

म्हणे काय झाले । असे का वागले ।

नाही का कळले । माऊली मी ।।

किती कष्टविता । भार हा टाकून ।

सारेच सांगून । फुका फुकी।।

तुमचा संसार । मी का रे बघावा ।

नोकर असावा ।वाटे जरी ।।

थकलो मी आता । उचला तुम्हीच ।

तो भार उगीच । नको मला ।।

झाले सारे थक्क । आश्चर्य वाटून ।

बसले आडून । देवळासी ।।

म्हणे पांडुरंग । जातो मी निघून ।

प्रशांत हा आहे । माझ्या साठी ।।

आले पांडुरंग । सत्वर निघून ।

आश्चर्य पाहून । मज झाले ।।

तरी देवा सांग । काय रे मिळाळे ।

होऊन मोकळे । अचानक।।