बाप

बाप म्हणजे घराचा आधारवड

आनंदाने पुरवतो पोराबाळांचे लाड

वाटला जरी वरून कठोर

आतून असतो मृदु फार

घरात असतो त्याचाच वट

मुलाबाळांसाठी असतो तो खरा नट

बाप म्हणजे थोडी भीती

सांगू त्याच्या गोष्टी तरी किती

दिवसभर राबतो घरादारासाठी

आराम करत नाही कधी स्वतःसाठी

फिरावं लागायचं उन्हातान्हात गावोगाव

सोसले खूप सारे त्यांनी घाव

मुलांच्या कर्तृत्वाचा वाटतो त्याला अभिमान

राहिल सदैव प्रयत्न त्याचा राखण्यात मान